De la Bèla Epoca a 1968, de la Guèrra de 14 a l'Occupation, a la Resisténcia, e al reviscol de las Trentas Gloriosas, una saga familiala sus très generacions ont, del Causse roergàs fins a Montpelhièr, es pas solament question de trabalh e de bèrias a sauvar, mas d'argent, de sèxe e de passion. En 1968 sortis Lo Libre del Causse, seguit en 1970 pel Segond Libre del Causse. Pèire Escodornac : l'eroi del libre, ronfut, espatlut, tan larg coma naut, escaissat Palfèrre. Es segut entre dos gendarmas al palatz de justicia de Riom d'Auvèrnha. Per de qué ? O saurem pas qu'a la tota fin del libre segond. Dos libres que ne fan qu'un, dins un vestit flame nôu. Tant per la lenga coma per I'escritura, pel debanar e la mestresa de l'action coma per la riquesa psicologica de sos personatges, un dels melhors romans de nostra literatura modèrna.
