Andidan liv-lasa, nou ké suiv dékatman a Tijan pou vwè jan i savan é débouya pannèspwé. Nou ké vwè jan Lapen kouyonnè é toujou ka touvé on mannyè lésé Zanba an bab. Nou ké vwè kijan makak rivé fè Lapen pèd fil a’y. Si nou byen gadé jan péyi-la ka viv, nou ké touvé enpé Tijan, men osi onlo Lapen é Makak ! Yé krik ! Pouki Kont a yè pou jòdi ? Davwa fo timoun a jòdijou konnèt sa ki fè gran apa é gran anman a yo révé. Kisa ki fè yo chouké andidan péyi-lasa é pou ki fo nou kontinyé défann sa ki tan nou. Menmsi lavi chalviré, ka rété sa ki andidan lèspri. Fo i kontinyé nouri nou ! Yé krik !
